Caritasen erantzun solidarioa
Azken urtean nabarmen handitu da Caritasen laguntza jasotako familien eta pertsonen kopurua, bai eta Parrokietako Caritasek eta Elibarrutiko Caritasek emandako laguntzen zenbatekoa ere. Elizbarrutiko Caritasek immigranteei laguntzeko zentroaren bidez ematen ditu laguntzak; alegia, Laguntza Etxearen bidez.
Ildo horretan, esan behar da Caritasek 18.000 immigranteri eman diela arreta eta laguntza 2009an, gutxi gorabehera. Gainera, aurtengo lehen seihilekoko datuek adierazten dutenaren arabera, kopuru hori handituz doa.
Pertsona horiei emandako laguntzen zenbatekoa 1.500.000 euro ingurukoa izan da. Zenbateko horren %70, gutxi gorabehera, etxebizitzen alokairuak ordaintzeko erabili da, eta gainerakoa, lehen premiako gaiak ordaintzeko. Hasieran, Laguntza Etxea zentroan, arreta eta harrera eskaintzen zaizkie pertsona immigranteei, eta entzun eta lagundu egiten zaie.
Batez ere, oinarrizko beharrak betetzen dira. Horretarako, laguntza hauek ematen ditugu: gelen eta etxebizitzen alokairuak ordaintzeko laguntzak, elikagaiak erosteko laguntza ekonomikoak, agiriak ordaintzeko laguntza ekonomikoa, prestakuntza-prozesuak egiteko laguntza, etab. Gainera, Caritaseko gizarte-jantokiak eta garbiketa-zerbitzuak elikadura- eta higiene-premiei erantzuten diete, hurrenez hurren. Gero eta pertsona gehiagok erabiltzen dituzte bi zerbitzu horiek. Halaber, lan-poltsako zerbitzua ere pertsona horien eskura dago; kontuan izan behar da enplegua garrantzitsua dela bizi-proiektu duina eta integratua izateko.
Bestalde, gure Elizbarrutian, Pastoraleko Zerbitzu bat dago pertsona immigranteen eskura, tradizio kristaua dutenen fedea zaindu eta bultzatze aldera. Immigrante askok behar dute laguntza pastoral hori (bereziki, latinoamerikarrek), beren sustrai kristauak zaintzen jarraitzeko.
http://palabraeuskadi.blogspot.com/2010/09/la-cruz-de-las-jornadas-mundiales.html
Suscribirse a:
Enviar comentarios (Atom)
Ume bat apadrinatzeko beste aukera bat Bizkaian
FAMILIA-HARRERA SUSTATZEKO KANPAINA
Apadrinatu nahi baduzu ume bat, ez da zertan izan behar beste herriko ume bat. BERTAKOA IZAN DAITEKE AUKERA HONEKIN, UME HAUEK ARAZOAK DITUZTE ETA EZ DUTE FAMILIA.
Bizkaiko Foru Aldundiak adingabeentzako familia-harrera sustatzeko beste kanpaina bat aurkeztu du. Kanpaina horren helburua da guraso naturalengandik banatu behar izan dituzten 3 urtetik beherako umeak etxean hartzeko prest dauden familiak eta pertsonak aurkitzea. Presako eta aldi baterako harreraz ari gara, hain zuzen ere.
Presako familia-harrera 0 eta 3 urte bitarteko umeentzat da, eta, batez ere, umerik txikienentzat. Horren bidez, haurrei aldi baterako familia eskaintzen zaie, gehienez 6 hilabetez; epe horretan, hain zuzen, gurasoen egoera balioetsiko da eta umeen etorkizunerako erabaki egonkorra eta behin betikoa hartuko da. Neurri horri esker ume horietako asko erakundeetan egon ez daitezela eta beraien bizi-garapenean hain garrantzitsua den garai horretan harrera-zentro batean bizi ez daitezela lortu nahi da.
Gaur egun 3 urtetik beherako 20 inguru ume daude harrera-zentro batean, langile adituek zaintzen dituztela, baina presako harreraren onuradun izan litezke. Une honetan adin askotako neska-mutilak hartzeko prest dauden 9 harrera-familia daude baina ez dago familia bat ere 3 urtetik beherako zenbait umeren presako harrerak egiteko. Hurrengo baldintza bereziak betetzen dituzten 10 pertsona edo familia behar dira: umeak, batez ere ume txikiak, zaintzen eskarmentua izan behar dute; adingabeen eta familia-harreraren premiei erantzuteko eta horiek zaintzeko nahikoa astia izan behar dute; epealdi hau amaitutakoan umeengandik banatu eta beste familia-egoera batera igarotzeko prozesuan lagundu beharko dutela ulertu eta onartu behar dute; adingabea, jatorrizko familiarengandik banatu beharra duenean, berehala etxera eraman eta zaintzeko prest egon behar dute, eta helburua adopzioa ez dela argi izatea oso garrantzitsua da.
Aurtengo kanpaina aurreko urtekoaren antzekoa da eta honako lema hau dauka: UME GUZTIEK ETXEA BEHAR DUTE. HONENTZAT, PREMIAZKOA DA.
Datozen asteetan zehar informazioa emateko hainbat ekintza egin nahi ditu Gizarte Ekintza Sailak: dei publikoa egin nahi die Bizkaiko familiei eta pertsonei harreran har ditzaten gurasoekin bizi ezin duten adingabeak. Ume bat etxean hartu nahi duten pertsonek Familia Harrera Sustatzeko Taldeko teknikariekin harremanetan jarri behar dute. Telefono-zenbakiak: 94 447 07 37 / 94 447 69 62. Halaber, Gizarte Ekintza Saileko Umeen Zerbitzuko teknikari eta arduradunengana ere jo dezakete.
Caritas-en laguntza gero eta handiagoa da, eta handiagoa izateko lagundu behar dugu guztiok!
ResponderEliminar