Nikaraguara bolondres joateko aukerea
eskura etorri jatzun ala zuk zeuk bilatu
zenduan?
Lagun batek esan eustan urtero bolondres
programa bat egoala, Eusko Jaurlaritzak
bultzatuta. Latino Amerikara kooperante
joateko ideia gustatu jatan eta, beste barik,
apuntatu egin nintzan.
Zer nolako prozesua jarraitu behar dabe
hautagaiek?
Lehenik eta behin, curriculuma agindu
behar dozu. Erakundeak zugan interesa
izan ezkero, eurek ezarritako proba batzuk
egiten jarraituko dozu. Ondoren, Barrian
antolatzen dabezan jardunaldi batzuetara
joan beharra daukazu eta horrek be aurrera
ez jarraitzeko aukerak mugatu leikez.
Behin aukeratua izanda, hitzaldi orokorrak
dagoz, lekuaren zein eginkizunen inguruko
informazino orokorra jaso ahal izateko.
Zein izan zan zure betebeharra bertan?
Umeen hezitzaile joan nintzan: eurakaz
egon eta eurak laguntzea genduan helburu
nagusi. Idazten eta irakurtzen irakasteaz
ganera, orduak emoten genduzan jolasten.
Urteerak be egin genduzan.
Eginkizunen garapena laburki...
Laguntasuna emotea egunez egun, aurrera
egin ahal dabela sinistuerazoz. Izan be
daben etsipena oso nabaria da. Baina batez
be, maitasunezko eten bako hartuemona
izatea egunerokotasunean.
Horreek danak aurrera eroateko beharrezko
aldez aurretiko prestaketarik?
Umeakaz egoten jakin behar da. Ganera,
kaleko umeakaz zabilz bertan eta ez da
dirudien bezain erreza. Momentu txarrak
bizitzen dira bertan eta jakin behar da
aurrera egiten.
Emondakoa baino gehiago jaso dozu?
Bai, askoz gehiago. Daben guztia emoten
deutsue. Ezin da konparatu emoten dozuna
jasoten dozunagaz.
Bertako baliabide eskasiari urtenbidea
emoteko zure proposamena...
K a n p o - z o r r a ren desagerpena, esaterako.
Horreri esker, pobrezian murgilduta dagozan
hainbat herrik aurrera egiteko ez dabelako
trabarik eukiko. Herri horreek dabezan
muga nagusiak herri boteretsuek eta
aberatsek ezarri deutsiez.
Zelan laburbilduko zenduan bertan igarotako
egonaldia?
Zoragarria.
Zein parekotasun eta diferentzia dagoz
Euskal Herria eta Nikaraguaren artean?
Ikusi dodanaren arabera, pare k o t a s u n
gutxi; erabat ezbardinak gara. Bat esatearren,
janariari emoten deutsien garrantzi
eskasa aitatuko neuke. Ez dakit hori daben
baliabide urritasunari zor jakon, baliteke
halan izatea… Beste alde batetik, kaleko
umeen egoitzan egon nazenez, ez dot bertako
ohituren barri izan.
“Kanpo-zorra desagertu
beharko zan, bertako
baliabide eskasiari
urtenbidea emoteko”
http://www.alkila.net/legal/medios/otros/aikor44zbk.pdf
14
Suscribirse a:
Enviar comentarios (Atom)
Ume bat apadrinatzeko beste aukera bat Bizkaian
FAMILIA-HARRERA SUSTATZEKO KANPAINA
Apadrinatu nahi baduzu ume bat, ez da zertan izan behar beste herriko ume bat. BERTAKOA IZAN DAITEKE AUKERA HONEKIN, UME HAUEK ARAZOAK DITUZTE ETA EZ DUTE FAMILIA.
Bizkaiko Foru Aldundiak adingabeentzako familia-harrera sustatzeko beste kanpaina bat aurkeztu du. Kanpaina horren helburua da guraso naturalengandik banatu behar izan dituzten 3 urtetik beherako umeak etxean hartzeko prest dauden familiak eta pertsonak aurkitzea. Presako eta aldi baterako harreraz ari gara, hain zuzen ere.
Presako familia-harrera 0 eta 3 urte bitarteko umeentzat da, eta, batez ere, umerik txikienentzat. Horren bidez, haurrei aldi baterako familia eskaintzen zaie, gehienez 6 hilabetez; epe horretan, hain zuzen, gurasoen egoera balioetsiko da eta umeen etorkizunerako erabaki egonkorra eta behin betikoa hartuko da. Neurri horri esker ume horietako asko erakundeetan egon ez daitezela eta beraien bizi-garapenean hain garrantzitsua den garai horretan harrera-zentro batean bizi ez daitezela lortu nahi da.
Gaur egun 3 urtetik beherako 20 inguru ume daude harrera-zentro batean, langile adituek zaintzen dituztela, baina presako harreraren onuradun izan litezke. Une honetan adin askotako neska-mutilak hartzeko prest dauden 9 harrera-familia daude baina ez dago familia bat ere 3 urtetik beherako zenbait umeren presako harrerak egiteko. Hurrengo baldintza bereziak betetzen dituzten 10 pertsona edo familia behar dira: umeak, batez ere ume txikiak, zaintzen eskarmentua izan behar dute; adingabeen eta familia-harreraren premiei erantzuteko eta horiek zaintzeko nahikoa astia izan behar dute; epealdi hau amaitutakoan umeengandik banatu eta beste familia-egoera batera igarotzeko prozesuan lagundu beharko dutela ulertu eta onartu behar dute; adingabea, jatorrizko familiarengandik banatu beharra duenean, berehala etxera eraman eta zaintzeko prest egon behar dute, eta helburua adopzioa ez dela argi izatea oso garrantzitsua da.
Aurtengo kanpaina aurreko urtekoaren antzekoa da eta honako lema hau dauka: UME GUZTIEK ETXEA BEHAR DUTE. HONENTZAT, PREMIAZKOA DA.
Datozen asteetan zehar informazioa emateko hainbat ekintza egin nahi ditu Gizarte Ekintza Sailak: dei publikoa egin nahi die Bizkaiko familiei eta pertsonei harreran har ditzaten gurasoekin bizi ezin duten adingabeak. Ume bat etxean hartu nahi duten pertsonek Familia Harrera Sustatzeko Taldeko teknikariekin harremanetan jarri behar dute. Telefono-zenbakiak: 94 447 07 37 / 94 447 69 62. Halaber, Gizarte Ekintza Saileko Umeen Zerbitzuko teknikari eta arduradunengana ere jo dezakete.
No hay comentarios:
Publicar un comentario