Niefang herria

􀂛 Niefang barrutia Hego Erdialdeko probintzian dago, eta 70 herrixkatan
sakabanatutako 30.000 biztanle ditu. Herri nagusiak izen berbera du, eta bertan
2.000 pertsona bizi dira.
􀂛 Niefang Mbini ibaiaren ertzean dago kokatuta. Klima ekuatoriala du, lehorteak
eta euriteak txandakatzen diren lau urtarorekin. Herrira lurrezko errepide baten
bidez iristen da. 70 herrixketara, berriz, basoan barrena doazen bidezidorretatik.

􀂛 Biztanleen % 95 fang-a da, bantu etniaren barruan dagoen talde batekoa. Hazten
dituzten gauzetatik bizi dira: platanoak, kakahueteak, azukre-kanabera, juka.

􀂛 Niefang-eko herrixka bakoitzak eskola bat du, baina irakasteko behar diren
oinarrizko bitartekoak falta zaizkio. Lehen Hezkuntza bukatzeko, haurrek herri
nagusira joan behar dute. Hori gastu handiegia da familientzat (ostatua, janaria...), eta
haur askok ikasketak bertan behera utzi behar izaten dituzte. Irakaskuntza, gainera,
masifikatuta dago; lehen hezkuntzako estatuko ikastetxeetan, gela bakoitzeko 100
ikasle baino gehiago daude.

http://www.fundacionproclade.org/IMG/pdf/7_eh.pdf

No hay comentarios:

Publicar un comentario

Ume bat apadrinatzeko beste aukera bat Bizkaian

FAMILIA-HARRERA SUSTATZEKO KANPAINA

Apadrinatu nahi baduzu ume bat, ez da zertan izan behar beste herriko ume bat. BERTAKOA IZAN DAITEKE AUKERA HONEKIN, UME HAUEK ARAZOAK DITUZTE ETA EZ DUTE FAMILIA.

Bizkaiko Foru Aldundiak adingabeentzako familia-harrera sustatzeko beste kanpaina bat aurkeztu du. Kanpaina horren helburua da guraso naturalengandik banatu behar izan dituzten 3 urtetik beherako umeak etxean hartzeko prest dauden familiak eta pertsonak aurkitzea. Presako eta aldi baterako harreraz ari gara, hain zuzen ere.

Presako familia-harrera 0 eta 3 urte bitarteko umeentzat da, eta, batez ere, umerik txikienentzat. Horren bidez, haurrei aldi baterako familia eskaintzen zaie, gehienez 6 hilabetez; epe horretan, hain zuzen, gurasoen egoera balioetsiko da eta umeen etorkizunerako erabaki egonkorra eta behin betikoa hartuko da. Neurri horri esker ume horietako asko erakundeetan egon ez daitezela eta beraien bizi-garapenean hain garrantzitsua den garai horretan harrera-zentro batean bizi ez daitezela lortu nahi da.

Gaur egun 3 urtetik beherako 20 inguru ume daude harrera-zentro batean, langile adituek zaintzen dituztela, baina presako harreraren onuradun izan litezke. Une honetan adin askotako neska-mutilak hartzeko prest dauden 9 harrera-familia daude baina ez dago familia bat ere 3 urtetik beherako zenbait umeren presako harrerak egiteko. Hurrengo baldintza bereziak betetzen dituzten 10 pertsona edo familia behar dira: umeak, batez ere ume txikiak, zaintzen eskarmentua izan behar dute; adingabeen eta familia-harreraren premiei erantzuteko eta horiek zaintzeko nahikoa astia izan behar dute; epealdi hau amaitutakoan umeengandik banatu eta beste familia-egoera batera igarotzeko prozesuan lagundu beharko dutela ulertu eta onartu behar dute; adingabea, jatorrizko familiarengandik banatu beharra duenean, berehala etxera eraman eta zaintzeko prest egon behar dute, eta helburua adopzioa ez dela argi izatea oso garrantzitsua da.

Aurtengo kanpaina aurreko urtekoaren antzekoa da eta honako lema hau dauka: UME GUZTIEK ETXEA BEHAR DUTE. HONENTZAT, PREMIAZKOA DA.

Datozen asteetan zehar informazioa emateko hainbat ekintza egin nahi ditu Gizarte Ekintza Sailak: dei publikoa egin nahi die Bizkaiko familiei eta pertsonei harreran har ditzaten gurasoekin bizi ezin duten adingabeak. Ume bat etxean hartu nahi duten pertsonek Familia Harrera Sustatzeko Taldeko teknikariekin harremanetan jarri behar dute. Telefono-zenbakiak: 94 447 07 37 / 94 447 69 62. Halaber, Gizarte Ekintza Saileko Umeen Zerbitzuko teknikari eta arduradunengana ere jo dezakete.

Inforproject

19.11.10